ताज्या बातम्या देश-विदेश महत्वाचे महाराष्ट्र संपादकीय

सण- उत्सवांची धमाल, असे आहे सण- उत्सव

Lokshahi News NetworkJuly 28, 2022

श्रावण महिना शुक्रवार (ता. २९) पासून सुरू होतोय. पुढचे तीस दिवस सण- उत्सवांची रेलचेल असेल.

श्रावणानंतरच्या भाद्रपद महिन्यातील गणेशोत्सवाचे वेधही आतापासूनच लागले आहेत. हिंदू धर्मियांमध्ये श्रावण महिन्याला विशेष महत्त्व आहे. या मासानिमित्त महिनाभर उपवास, व्रत करणारे भाविक लाखोंच्या संख्येने आहेत. श्रावणातील सर्व तीसही दिवसांना आपल्या संस्कृतीत वेगळे महत्त्व आहे. प्रत्येक तिथीला सण- उत्सव, व्रताचे औचित्य असते. त्यातच पावसामुळे सर्वत्र हिरवळ पसरलेली असल्याने एक वेगळे चैतन्य व भक्तिमय वातावरण निर्माण झालेले असते.