अंगारक संकष्ट चतुर्थी; व्रताची महत्त्व, चंद्रोदय, पूजेचा शुभ मुहूर्त पहा

नवीन वर्षातील पहिले संकष्ट चतुर्थी व्रत 10 तारखेला मंगळवारी आहे. या चतुर्थीला अंगारक संकष्ट चतुर्थी म्हटले जाते. संकष्ट चतुर्थी व्रतामध्ये श्रीगणेशाची आराधना केल्याने जीवनातील सर्व समस्या दूर होतात.
विघ्नहर्ता श्री गणपतीच्या आशीर्वादाने मुलांचे रक्षण होते आणि मनोकामना पूर्ण होतात, असे मानले जाते. तिरुपतीचे ज्योतिषी डॉ. कृष्णकुमार भार्गव यांनी अंगारक संकष्ट चतुर्थी व्रताची माहिती, पूजेचा शुभ मुहूर्त याविषयी दिलेली माहिती जाणून घेऊया. संकष्ट चतुर्थी व्रत – पंचांगानुसार, पौष महिन्याच्या कृष्ण पक्षातील चतुर्थी तिथी मंगळवार, 10 जानेवारी रोजी दुपारी 12:09 वाजता सुरू होईल आणि 11 जानेवारी, बुधवारी, दुपारी 02:31 वाजता समाप्त होईल.

संकष्टी व्रताच्या दिवशी चतुर्थी तिथीला चंद्राची उपासना करण्याची परंपरा आहे. उदयतिथीनुसार 10 जानेवारीला संकष्ट चतुर्थी व्रत पाळले जाईल. संकष्ट चतुर्थी पूजा मुहूर्त – 10 जानेवारी रोजी सकाळी 09:52 ते दुपारी 01:47 पर्यंत चांगला काळ आहे. यामध्येही लाभ-उन्नती मुहूर्त हा सकाळी 11:10 ते 12:29 पर्यंत आणि अमृत-सर्वोत्तम मुहूर्त हा दुपारी 12:29 ते 01:47 पर्यंत आहे.

या मुहूर्तावर गणेशाची पूजा केल्यानं तुमची-कुटुंबाची प्रगती होईल. चंद्रोदय वेळ – अंगारक संकष्ट चतुर्थी व्रताच्या दिवशी रात्री चंद्राला अर्घ्य अर्पण करून पूजा केली जाते. या दिवशी रात्री 09:10 वाजता चंद्रोदय होईल. त्यानंतर चंद्राची पूजा केली जाईल आणि त्यानंतर पारण करून व्रत पूर्ण केले जाईल.

सर्वार्थ सिद्धी योग – यावर्षी अंगारक संकष्ट चतुर्थीला सर्वार्थ सिद्धी योग, प्रीती योग आणि आयुष्मान योग तयार होत आहेत. या दिवशी प्रीति योग सकाळपासून 11:20 पर्यंत आहे आणि त्यानंतर आयुष्मान योग असेल. सर्वार्थ सिद्धी योग सकाळी 07.15 ते 09.01 पर्यंत आहे. चतुर्थीला भद्रकाळ – 10 जानेवारीला अंगारक संकष्ट चतुर्थी व्रताच्या दिवशी भद्रकाळ सकाळी 07:15 वाजता सुरू होईल आणि दुपारी 12:09 वाजता समाप्त होईल.

मात्र, या भद्रकाळामध्ये पूजा करण्यास कोणतीही बाधा येणार नाही. संकष्ट चतुर्थी व्रताचे महत्त्व – अंगारक संकष्ट चतुर्थीचे व्रत पाळल्याने मुलांचे रक्षण होते. गणेशाच्या आशीर्वादाने सर्व संकटे दूर होतात. कामातील अडथळे दूर होतात.

गणपती बाप्पाच्या आशीर्वादाने मनोकामना पूर्ण होतात आणि जीवनात मंगलमयता वाढते, अशी भाविकांची धारणा आहे. हे या 2 दिवशी घरात अगरबत्ती न लावलेलीच बरी! भोगावे लागतील हे अशुभ परिणाम

सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. लोकशाही न्यूज 24 त्याची हमी देत नाही.