नागपूर मुख्यमंत्र्यांच्या जवळचा सांगून करोडोंची फसवणूक..
नागपूर : स्वतःला मुख्यमंत्र्यांच्या जवळचा सांगून करोडोंची फसवणूक आणि पोलिसांना सतत चकमा देणाऱ्या अजित पारसे या घोटाळेबाज आणि स्वयंघोषित मीडिया विश्लेषकाला अखेर पोलिसांनी अटक केली आहे.
उच्च न्यायालयाने जामीन अर्ज रद्द केल्यानंतर गुन्हे शाखेच्या पथकाने त्याला अटक केली. न्यायालयाने त्याला 11 एप्रिलपर्यंत पोलिस कोठडी सुनावली आहे. फसवणुकीची अनेक प्रकरणे समोर आल्यानंतर गेल्या सहा महिन्यांपासून तो एक ना एक कारण सांगून अटक टाळत होता.
स्वत:चे सोशल मीडिया विश्लेषक म्हणून वर्णन करून, अजित पारसे यांनी शहरातील प्रसिद्ध लोकांमध्ये आपली ओळख वाढवली. यामध्ये राजकारणाशी संबंधित लोकही होते. बड्या नेत्यांच्या आणि अधिकाऱ्यांच्या जवळ असल्याचे सांगून तो या लोकांना दादागिरी करायचा. दरम्यान, वैद्यकीय महाविद्यालयाची परवानगी मिळवून देण्याच्या नावाखाली त्यानी नागपूरचे डॉ. राजेश मुरकुटे यांची सुमारे 4.36 कोटींची फसवणूक केली. डॉ. मुरकुटे यांच्या फिर्यादीवरून गुन्हा दाखल होताच पारसे यांचे वाईट दिवस सुरू झाले.
सेक्सटोर्शनच्या माध्यमातून त्याने अनेकांची फसवणूक केल्याचेही पोलिस तपासात उघड झाले आहे. डॉ. मुरकुटे यांच्याशिवाय अन्य एका ड्रायव्हिंग स्कूलच्या संचालकाचीही पारसे यांनी फसवणूक केली होती. त्यासाठी तो कधी आयकर तर कधी सीबीआय तपासाची बतावणी करत असे. अनेकवेळा हायप्रोफाईल लोकांच्या नावाने धमक्याही दिल्या जात होत्या. त्यानंतर डॉ. मुरकुटे यांच्या फिर्यादीवरून अजित पारसे यांच्याविरुद्ध २२ ऑक्टोबर २०२२ रोजी फसवणुकीचा गुन्हा दाखल करण्यात आला. त्यानी पंतप्रधान कार्यालय, सीबीआयचे, पोलिस यांचे बनावट लेटरहेड रबर स्टॅम्प तयार केल्याचेही तपासात निष्पन्न झाले आहे. हे प्रकरण तपासासाठी क्राईम युनिट 2 कडे सोपवण्यात आले. मात्र, प्रत्येक वेळी असाध्य आजाराचे कारण देत पोलिस तपास व चौकशी टाळली.
दरम्यान, त्यानी अटकपूर्व जामिनासाठी सत्र न्यायालयात धाव घेतली होती. येथे जामीन अर्ज फेटाळल्यानंतर त्यानी उच्च न्यायालयात याचिका दाखल केली. मात्र, उच्च न्यायालयाने त्याची याचिका फेटाळल्यानंतर पोलिसांनी त्याना अटक केली. त्याला न्यायालयात हजर केले असता न्यायालयाने त्याला 11 एप्रिलपर्यंत पोलिस कोठडी सुनावली आहे. पोलिस कोठडीत असतानाही अजित पारसे हा पोलिसांना सहकार्य करत नाही आहे.
