स्वातंत्र्यदिनी आपले घर आणि ऑफिस सजवा या सुंदर रांगोळीने, पाहा सुंदर डिझाइन

प्रत्येक भारतीय नागरिकासाठी १५ ऑगस्टचा दिवस अत्यंत महत्त्वाचा मानला जातो. स्वातंत्र्य दिन साजरा करण्याचे अनेक मार्ग आहेत. देशभक्तीपर गाण्यांपासून ते रांगोळीच्या रंगांनी घर सजवण्यापर्यंत विविध प्रकारे स्वातंत्र्याचा उत्सव खास बनवता येतो.

लोक या दिवशी आपल्या घरी, शाळा-कॉलेज आणि ऑफिसमध्ये रांगोळी काढतात.

जर तुम्ही स्वातंत्र्यदिनी रांगोळी काढणार असाल तर तुम्ही येथून काही कल्पना घेऊ शकता.येथे आम्ही अशाच काही रांगोळी डिझाइन्स शेअर करत आहोत, ज्या तुम्ही सहजपणे बनवू शकता आणि हा दिवस एका खास पद्धतीने साजरा करू शकता.

Independence Day 2023: स्वातंत्र्य दिवसाच्या ‘अशा’ द्या खास शुभेच्छा, पहा एकापेक्षा एक भारी मेसेज
तिरंगा रांगोळी

स्वातंत्र्याला 76 वर्षे पूर्ण झाल्यामुळे तुम्ही घर किंवा ऑफिसमध्ये तिरंगा रांगोळी काढू शकता. ही रांगोळी बनवायला जास्त वेळ लागत नाही आणि ती बनवायलाही सोपी आहे. या रांगोळीने घर किंवा ऑफिसचा एंट्री पॉइंट सजवता येतो. ही पोस्ट पाहून तुम्ही सहज रांगोळी काढू शकाल.

फुलांची रांगोळी

स्वातंत्र्यदिनी तुम्ही फुलांची रांगोळीही काढू शकता. मध्यभागी राष्ट्रध्वज बनवून त्याच्या सभोवताली विविध रंगांची फुले तयार करून सजवू शकता.रांगोळीच्या मध्यभागी स्टार काढून त्याला पारंपरिक रूप देऊ शकता.

मोठ्या अंगणात किंवा हॉलमध्ये रांगोळी काढायची असेल तर तीन रंगांनी सजवलेली गोल रांगोळी काढता येते. ही रांगोळीची डिजाइनही अतिशय आकर्षक दिसेल. ते अधिक सुंदर बनवण्यासाठी तुम्ही फ्लोरल डिजाइन क्रिएट करू शकता.

नकाशा रांगोळी

जर तुम्हाला रांगोळीला थोडे क्रिएटिव्ह डिझाइन द्यायचे असेल तर तुम्ही भारताच्या नकाशासह रांगोळी देखील बनवू शकता. हे डिझाइन जितके अधिक क्रिएटिव असेल तितके ते अधिक सुंदर दिसेल. भारताचा नकाशा तयार करण्यासाठी तुम्ही त्याचा आकार वापरू शकता. ते अधिक सुंदर बनवण्यासाठी त्याभोवती फ्लोरल डिजाइन करता येते.