Ajit Pawar Death: मोठी बातमी! विमान अपघातात उपमुख्यमंत्री अजित पवार यांच्यासह 6 जणांचा मृत्यू
Ajit Pawar Plane Accident: आत्ताची सर्वात मोठी बातमी समोर येत आहे. बारामतीत उपमुख्यमंत्री अजित पवार यांच्या विमानाला भीषण अपघात झाला आहे. विमान लँडिंग करत असताना ही घटना घडल्याची माहिती समोर येत आहे.
प्राथमिक माहितीनुसार विमानात अजित पवारांसह एकूण 6 जण प्रवास करत होते, त्यापैकी 3 जणांचा जागीच मृत्यू झाला तर अजित पवारांसह इतर 3 जणांचा उपचारादरम्यान मृत्यू झाल्याची माहिती समोर आली आहे.
अपघातानंतर प्रशासन आणि आपत्कालीन यंत्रणा तातडीने घटनास्थळी दाखल झाल्या. या विमानात अजित पवार यांच्यासह 6 जण होते अशी माहिती आहे. घटनास्थळी विमानाचे तुडके झाल्याचे चित्र आहे. तसेच अपघातानंतर घटनास्थळी लागलेल्या आगीमुळे मोठ्या प्रमाणात आग लागली डीजीसीएने 6 प्रवाशांचा मृत्यूं झाल्याची बातमी दिली आहे. सुप्रिया सुळे, सुनेत्रा पवार आणि पार्थ पवार शरद पवारांच्या निवासस्थानी एकत्र आहेत.
बारामती विमानतळ परिसरात 28 जानेवारी रोजी सकाळी हा अपघात झाला. लियरजेट 45 हे विमान आहे. वैमानिक आणि अजित पवार यांचायासह इतर 4 जण या विमानातून प्रवास करत होते. अजित पवार हे 2 इतर व्यक्ती आणि 2 चालक दलाच्या सदस्यांसह विमानात होते अशी माहिती आहे. या अपघातानंतर बारामतीत त्यांच्या निवासस्थानी कार्यकर्त्यांनी गर्दी करण्यास सुरुवात केली आहे. संपूर्ण बारामतीवर अजित पवारांच्या निधनामुळे दु:खाचा डोंगर कोसळला आहे.
