फक्त 180 रुपयांची दारू, पण तुफान गाजली! फक्त हिवाळ्यात विकल्या गेल्या 17,90000 बॉटल्स; नेमका ब्रँड कोणता?
थंडीच्या दिवसांत अनेकदा रमची विक्री वाढल्याचे चित्र दिसते. पण आता आम्ही जे सांगणार आहोत ते ऐकून तुम्हीही आश्चर्यचकित व्हाल. भारतातील लोकप्रिय दारू ब्रँड इंपीरियल ब्लूने एक मोठा कारनामा केला आहे.
भारतातील प्रसिद्ध ब्रँड्समध्ये समाविष्ट असलेल्या इंपीरियल ब्लूने विक्रीचा नवा रेकॉर्ड प्रस्थापित केला आहे.
खरेतर इंपीरियल ब्लू आधी परदेशी कंपनी होती, पण नुकतेच भारतातील कंपनी टिळकनगर इंडस्ट्रीजने हा ब्रँड विकत घेतला आहे. हा व्यवहार सुमारे ४,००० कोटी रुपयांमध्ये झाला होता. टिळकनगरकडे आल्यानंतर इंपीरियल ब्लूने विक्रीचे सर्व रेकॉर्ड मोडत सुमारे १.७९ मिलियन (अंदाजे १७,९०,०००) बाटल्या विकल्या आहेत. टिळकनगरसोबत झालेल्या डीलनंतर पहिल्यांदाच समोर आलेल्या विक्री आकडेवारीनुसार, टिळकनगर इंडस्ट्रीजने इंपीरियल ब्लू ब्रँडची विक्री जबरदस्त वाढवली आहे. इंपीरियल ब्लू व्यतिरिक्त टिळकनगरकडे अनेक इतर ब्रँड्स आहेत. वेगवेगळ्या ब्रँड्सच्या आकडेवारीनुसार कंपनीने सुमारे १३ मिलियन बाटल्या विविध ब्रँड्सच्या विकल्या आहेत.
इंपीरियल ब्लू ब्रँड फायद्याचा व्यवहार ठरला
कंपनीच्या मते, इंपीरियल ब्लू ब्रँड विकत घेणे हा फायद्याचा सौदा ठरला आहे. टिळकनगरपूर्वी हा ब्रँड फ्रान्सच्या कंपनी पर्नोड रिकार्डकडे होता. खरेतर या ब्रँडची सर्वाधिक विक्री भारतातच होते. हे व्हिस्कीच्या प्रमाणानुसार देशातील तिसरा सर्वात मोठा ब्रँड आहे. दरवर्षी येथे इंपीरियल ब्लू व्हिस्कीचे २.२४ कोटी युनीट विकले जातात. भारतीय व्हिस्की बाजारात याची हिस्सेदारी सुमारे ९% आहे. तुम्हाला हे ऐकून आश्चर्य वाटेल की, भारतात दरवर्षी व्हिस्कीचे सुमारे ७.९ कोटी केसेस विकले जातात.
इंपीरियल ब्लूची किंमत किती?
इंपीरियल ब्लू ब्रँड इतका लोकप्रिय होण्याची अनेक कारणे आहेत. त्यापैकी एक कारण म्हणजे त्याची किंमत. देशाच्या राजधानी दिल्लीविषयी बोलायचे झाले तर इंपीरियल ब्लूच्या १८० मिलीची किंमत फक्त १८० रुपयांच्या आसपास आहे. तर पूर्ण बाटलीची किंमत सुमारे ६०० रुपयांच्या आसपास आहे.
टिळकनगरने हा ब्रँड विकत घेतला तेव्हा याला भारतातील सर्वात मोठी दारू डील मानली गेली. टिळकनगरने व्हिस्की बाजारात आपली पकड मजबूत करण्यासाठी हा ब्रँड विकत घेतला होता. कंपनीचे मत आहे की, लोकांमध्ये या दारूबद्दल खूप क्रेझ आहे. एक तर त्याची टेस्ट चांगली आहे, दुसरे म्हणजे किंमत अतिशय कमी असल्याने लोकांमध्ये हे खूप पॉप्युलर आहे.
