MS Dhoni च्या गाडीत सापडलं ‘नको ते’ पाकिट, Video व्हायरल झाल्यावर…
महेंद्रसिंग धोनीचे करोडो चाहते आहेत आणि त्याच्यावर ते जीवापाड प्रेम करतात, हे सर्वांनाच माहिती आहे. त्यामुळे धोनी हा करोडो लोकांसाठी आदर्शवत असाच आहे. पण आता धोनीचा गाडीतला एक व्हिडिओ व्हायरल झाला आहे.
या गाडीमध्ये एक असं पाकिट पाहायला मिळालं आहे की, त्यामुळे एकच खळबळ उडाली आहे.
धोनी हा पत्नी साक्षीबरोबर काही दिवसांपूर्वी बॉलीवूडचा स्टार सलमान खानच्या वाढदिवसाच्या पार्टीमध्ये पाहायला मिळाला होता. धोनीचे बरेच फोटो यावेळी व्हायरल झाले होते. पण आता धोनीचा एक व्हिडिओ जोरदार व्हायरल झाला आहे आणि या व्हिडिओमध्ये त्याच्या गाडीत एक अशी गोष्ट दिसली आहे, जी क्रिकेटपटूला शोभणारी नाही.
धोनी हा सलमान खानच्या पार्टीला जात असतानाचा हा व्हिडिओ असल्याचे म्हटले जात आहे. कारण जेव्हा धोनी सलमान खानच्या पार्टीला जात होता, त्यावेळी त्याला कॅमेरामन्सचा वेढा पडलेला होता. धोनीचे बरेच फोटो यावेळी काढण्यात आले होते. त्यावेळी हा व्हिडिओ काढण्यात आल्याचे म्हटले जात आहे. या व्हिडिओमध्ये धोनी हा गाडीमध्ये पुढे बसला आहे आणि ड्रायव्हर गाडी चालवत आहे. धोनीने नुकताच सीट बेल्ट लावलेला दिसत आहे. त्याचबरोबर धोनीची पत्नी साक्षी ही या गाडीत मागच्या सीटवर बसलेली आहे. साक्षीच्या बाजूला अजून एक व्यक्ती बसलेली आहे. पण ज्यावेळी हा व्हिडिओ काढण्यात आला तेव्हा साक्षी आणि त्याच्या बाजूला जी व्यक्ती बसलेली आहे, त्यांच्यामध्ये एक सिगारेटचं पाकीट ठेवण्यात आल्याचं पाहायला मिळत आहे. धोनी हा एक आदर्शवत क्रिकेटपटू आहे. त्यामुळे धोनीच्या गाडीत हे पाकिट पाहून बरेच ताहते नाराज झाले आहेत.
कारण क्रिकेट हा सभ्य गृहस्थांचा खेळ समजला जातो आणि त्यामध्ये असे प्रकार दिसत नाहीत. त्यामुळे काही जणांनी धोनीला यावेळी ट्रोल करायला सुरुवातही केली आहे. पण हे सिगारेटचं पाकीट नेमकं आहे तरी कुणाचं, याचं उत्तर मात्र अजून सापडलेलं नाही.
धोनी हा हुक्का ओढतो, असे म्हटले जात होते. पण आता त्याच्या गाडीत सिगारेटचं पाकीट सापडल्यामुळे चाहत्यांनी त्याला ट्रोल करायला सुरुवात केली आहे.
