झोपेत येणाऱ्या स्वप्नांचा नेमका काय अर्थ असतो याबाबत अनेकांच्या मनामध्ये संभ्रम आहे. अशी स्वप्ने भविष्याबद्दल सूचित करतात आणि सांगतात की जीवनात शुभ किंवा अशुभ होणार आहे असा अनेकांचा समज आहे.
मृत पूर्वज स्वप्नात येण्याचे संकेत काय आहेत?
अनेकजण असा प्रश्न करतात की मृत पूर्वज आपल्या स्वप्नात पुन्हा पुन्हा येतात. याचे संकेत काय आहेत? यावर आचार्य विक्रमादित्य म्हणतात की मृत पूर्वजांना स्वप्नात वारंवार पाहणे म्हणजे तुम्ही त्यांना विसरलात असा त्याचा अर्थ होतो. तुमच्याकडून कोणतीतरी मोठी चूक झाली आहे. तसेच त्यांना स्वप्नातून तुम्हाला काहीतरी सांगायचे असते.
लक्षणीय बाब म्हणजे समजले नाही तर त्याची पुढची पायरी काही वेगळी असू शकते. जे तुमचे नुकसान देखील करू शकतात. हे टाळण्यासाठी अमावस्येच्या दिवशी नदीच्या काठावर पूर्वजांच्या नावाने दिवा लावा आणि एखाद्या गरीब व्यक्तीला कापड दान करा.
स्वप्नात तिसरा डोळा दिसण्याचा अर्थ काय आहे?
काही जणांची तक्रार असते की त्यांनी स्वप्नात तिसरा डोळा पाहिला आहे. याचे संकेत काय असतात? असा प्रश्न सर्वांच्याच मनात येतो. यावर आचार्य म्हणतात की भगवान शंकराचा तिसरा डोळा स्वप्नात पाहणे शुभ नाही. हे असे संकेत देते की, आगामी काळात तुमच्या आयुष्यात अशांतता येऊ शकते. तसेच तुमचे आयुष्य खूप मोठ्या प्रमाणात बदलणार आहे. मोठे नुकसान देखील होऊ शकते. त्यासाठी येणाऱ्या संकटाला सामोरे जाण्यासाठी संयम बाळगणे आवश्यक आहे.
