पालघर : (आशोक कुंभार ) विजांच्या कडकडाटासह झालेल्या पावसाने शेतीचंही मोठं नुकसान केलं आहे. पालघरमधील वडराई येथील दोन झाडांवर वीज पडल्याची घटना समोर आली आहे.
वीज पडून दोन्ही झाडांना अशी आग लागली.
नारळाची दोन्ही झाडं जळून खाक झाली आहेत. पालघरच्या पश्चिमेस असलेल्या वडराई येथे एका नारळाच्या आणि दुसऱ्या ताडाच्या झाडावर वीज पडली. वीज पडून आग लागलेल्या झाडांचा व्हिडीओ देखील समोर आला आहे. घटनेची माहिती मिळाल्यानंतर परिसरात बघ्यांची मोठी गर्दी जमली होती.
महाराष्ट्र के पालघर जिले में आकाशीय बिजली गिरने से पेड़ों में लगी आग..
पालघर के वडराई इलाके में आकाशीय बिजली गिरने से नारियल और ताड़ के पेड़ में लगी आग.. pic.twitter.com/YErfH6re2z
— Vivek Gupta (@imvivekgupta) March 7, 2023
पालघरमध्ये गेल्या आठवड्यापासून ढगाळ वातावरण होतं. कालपासून भागात जिल्ह्यात मध्यरात्रीच्या सुमारास विजांच्या कडकडाटासह अवकाळी पावसाने दमदार हजेरी लावली . पालघर , डहाणू , तलासरी , वाडा ,विक्रमगड , कुडूस या भागात मध्यरात्री पुन्हा एकदा पावसाच्या सरी बरसल्या.
