एका नव्हे, दोन नव्हे, तब्बल 58 जणांनी केला क्रीडापटूवर बलात्कार; देशाला काळीमा…
केरळमधील एका 18 वर्षीय दलित ॲथलीटवर गेल्या 5 वर्षांत 58 जणांनी लैंगिक अत्याचार केल्याची घटना देशाला हादरवून गेली होती. पोलिसांनी तपासानंतर 44 जणांना अटक केली आहे.
तपासात अनेक धक्कादायक खुलासेही झाले आहेत. त्यानुसार पीडितेच्या बालपणीच्या मित्राने याची सुरुवात केली होती. अहवालानुसार, लैंगिक अत्याचार करणाऱ्या 58 पैकी 44 लोक हे त्याच दलित वसाहतीतील किंवा पीडित महिला राहत असलेल्या जवळपासच्या भागातील होते.
बालपणीचा मित्र आरोपी
या प्रकरणी 4 पोलिस ठाण्यात पॉक्सो आणि एससी-एसटी कायद्यांतर्गत 29 स्वतंत्र गुन्हे दाखल करण्यात आले आहेत. सुबिन हा पीडितेचा बालपणीचा मित्र असल्याचे तपासात समोर आले आहे. ती 13 वर्षांची असताना अत्याचाराला सुरुवात झाली.
सुबिन आणि पीडितेचे घर जवळच होते. दोघेही बालपणीचे मित्र होते. सुबिनने आधी पीडितेला त्रास दिला आणि त्याचे फोटो आणि व्हिडिओ रेकॉर्ड केले. यानंतर त्याने याचा वापर करून तिच्यावर वारंवार लैंगिक अत्याचार केला.
यात पीडितेच्या वर्गमित्रांचाही समावेश आहे
यानंतर सुबिनने आणखी दोघांना याबाबत सांगितले. पुढची काही वर्षे ते दोघे मिळून तिचा लैंगिक छळ करत राहिले. हळूहळू पीडितेची माहिती आणि छायाचित्रे अनेक लोकांपर्यंत पोहोचली. यात पीडितेच्या वर्गमित्रांचाही सहभाग होता.
पोलिसांनी अटक केलेल्या लोकांमध्ये रोजंदारी कामगार आणि वाहनचालकांचाही समावेश आहे. त्यापैकी बहुतेक विवाहित होते आणि शेजारी राहत होते. आरोपींपैकी चार अल्पवयीन असून घटनेच्या वेळी दोघे अल्पवयीन होते. यातील बहुतांश जणांनी इन्स्टाग्राम आणि व्हॉट्सॲपच्या माध्यमातून पीडितेशी संपर्क साधला होता.
पीडितेने कथन केली तिचा त्रास
पीडितेने सांगितले की, कधी कधी एकापेक्षा जास्त लोक तिच्यावर बलात्कार करायचे. आरोपींपैकी एक तिरुअनंतपुरमचा रहिवासी होता, जो पीडितेच्या शहरापासून 100 किलोमीटरहून अधिक दूर आहे. दोन जण सध्या देशाबाहेर आहेत.
पीडितेने शाळेतील शिक्षकांशी याबाबत बोलले असता ही बाब उघडकीस आली. शाळेतील शिक्षक तिला राज्य सरकारच्या महिला सक्षमीकरणासाठी चालवल्या जाणाऱ्या स्नेहिता या योजनेच्या समुपदेशकाकडे घेऊन गेले. पीडितेने आपल्यासोबत घडलेल्या घृणास्पद घटनेबाबत समुपदेशकाला सांगितले.
