‘इथे’ लाखो करोडोच्या गाड्या रोडवर असेच सोडून जातात लोक; लॅम्बोर्गिनी, रोल्स रॉइसचाही समावेश
दुबई : गेल्या काही वर्षांत भारतात लक्झरी कारच्या संख्येत लक्षणीय वाढ झाली आहे.
एक काळ असा होता जेव्हा भारतात महागड्या गाड्या पाहणे अवघड होते, पण आजकाल देशातील अनेक शहरांमध्ये तुम्हाला लॅम्बोर्गिनी, फेरारी, रोल्स रॉयस सारख्या महागड्या गाड्या सहज पाहायला मिळतात. जे लोक या कार खरेदी करतात ते सहसा श्रीमंत उद्योगपती, चित्रपट तारे किंवा क्रीडा खेळाडू असतात. पण तुम्हाला भारतातील अशा ठिकाणाविषयी माहिती आहे का जिथे लोक रोल्स रॉयसपासून फेरारीपर्यंत सर्व काही रस्त्यावर सोडून जातात? म्हणूनच जाणून घ्या कुठे आहे हे ठिकाण जिथे इतके श्रीमंत लोक राहतात.
दुबई हे संयुक्त अरब अमिरातीमधील एक अत्याधुनिक शहर आहे, जे आधुनिक गगनचुंबी इमारती, सुंदर समुद्रकिनारे आणि अत्युच्च जीवनशैलीसाठी ओळखले जाते. पण त्याचबरोबर दुबई त्याच्या रस्त्यावरून धावणाऱ्या महागड्या सुपरकार्ससाठीही प्रसिद्ध आहे. येथे लॅम्बोर्गिनी, फेरारी, रोल्स रॉयस आणि बेंटलेसारख्या आलिशान गाड्या पाहणे सामान्य गोष्ट आहे, आणि यामुळेच येथे गाड्यांची विलक्षण संपत्ती स्पष्टपणे जाणवते.
‘इथे’ लाखो करोडोच्या गाड्या रोडवर असेच सोडून जातात लोक; लॅम्बोर्गिनी, रोल्स रॉइसचाही समावेश ( फोटो सौजन्य : सोशल मीडिया)
महागड्या सुपरकार्सचे घर
विशेष बाब म्हणजे, दुबईमध्ये काही महागड्या सुपरकार्स त्यांच्या मालकांद्वारे रस्त्यावर सोडल्या जातात. यामागील मुख्य कारण म्हणजे काही गाड्यांचे मालक दुबईतील कर्ज नियम आणि बँक कर्जांच्या अडचणींमध्ये अडकतात, ज्यामुळे त्यांना कर्जाची परतफेड करता येत नाही. दुबईतील कडक आर्थिक नियमांमुळे कर्ज न फेडल्यास तुरुंगवासाची शिक्षा होऊ शकते, यामुळे अनेक लोक गाड्या सोडून देश सोडून जातात. या रस्त्यावर सोडलेल्या गाड्या नंतर स्थानिक प्रशासनाच्या ताब्यात घेतल्या जातात, आणि त्यांचा लिलाव केला जातो. अशा सुपरकार्सच्या रस्त्यावर असण्यामुळे दुबईच्या वैभवशाली जीवनशैलीचा आणि संपत्तीचा एक अनोखा पैलू समोर येतो, ज्यामुळे दुबई हे आश्चर्यजनक पण अनोखे शहर ठरते.
दुबईत लोक आलिशान गाड्या रस्त्यावर का सोडतात?
दुबईमध्ये लक्झरी कार खूप सामान्य आहेत. इथल्या लोकांमध्ये हे इतके सामान्य आहेत की त्यांच्यात थोडाही दोष असला तरी ते त्यांना रस्त्यावर सोडतात. वास्तविक येथे तेलाच्या विहिरी असल्याने लोकांकडे पैशांची कमतरता नाही. याशिवाय येथे गाड्यांवर विक्री कर नाही. याद्वारे लोक महागड्या गाड्या सहज खरेदी करू शकतात. किंबहुना महागड्या गाड्या दुबईत स्टेटस सिम्बॉल बनल्या आहेत. लोक आपले यश आणि समृद्धी दर्शवण्यासाठी महागड्या कार खरेदी करतात. इथल्या रस्त्यांवर तुम्हाला महागड्या गाड्या सहज दिसतील. अनेक वेळा लोकं आपल्या गाड्या अशाच इथे सोडतात.
