उन्हाळ्यात चेहऱ्याला बर्फ लावण्याचे ‘हे’ आहेत चमत्कारिक फायदे; टॅनिंगही होते दूर
उन्हाळा आला की चेहऱ्याची चमक हरवायला लागते. चेहरा तेलकट होतो. पिंपल्सची समस्या बनते. रॅशेस, टॅनिंग, डाग आणि न जाणो किती प्रकारच्या समस्या होऊ लागतात.
अशा परिस्थितीत तुम्हाला कोणत्याही प्रकारचे सौंदर्य उत्पादन वापरण्याची गरज नाही. तुम्ही साध्या आइस थेरपीने तुमचा चेहरा उजळवू शकता. यामुळे त्वचेला ग्लोही येतो आणि मुरुमांची, टॅनिंगची समस्याही संपते. अशा परिस्थितीत बर्फ लावण्याचे काय फायदे आहेत आणि त्याचा वापर करण्याचा योग्य मार्ग कोणता आहे हे जाणून घ्या.
त्वचेवर बर्फ चोळण्याचे फायदे
1. उन्हाळ्यात चेहऱ्यावर बर्फ लावणे म्हणजे चेहऱ्याला एक प्रकारे पोषण देण्यासारखे आहे. यामुळे त्वचा तरूण दिसते, त्वचेची छिद्रे लहान असतात, सुरकुत्या आणि बारीक रेषा कमी होतात.
2. जेव्हा तुम्ही त्वचेवर बर्फ लावता तेव्हा त्वचेतील रक्ताभिसरण सुधारते. यामुळे त्वचेचा थकवा दूर होतो, आणि रंग सुधारतो आणि अशा प्रकारे बर्फ घासल्याने तुम्हाला झटपट चमक येते.
3. प्रखर सूर्यप्रकाशात किंवा धुळीच्या प्रदूषणात बराच वेळ घालवल्यानंतर, त्वचेवर जळजळ, खाज सुटणे, पुरळ उठणे किंवा त्वचा लाल होत असल्यास, त्वचेची जळजळ दूर करण्यासाठी बर्फ लावणे हा एक अतिशय प्रभावी उपाय आहे. बर्फ त्वचेला थंड करण्यास, शांत करण्यास आणि जळजळ कमी करण्यास मदत करते, त्वचेची लालसरपणा दूर करण्यास देखील मदत करते.
4. बर्फ लावल्याने त्वचेवरील अतिरिक्त तेल कमी होण्यास मदत होते. बर्फ छिद्रे संकुचित करते, त्यामुळे पुरळ कमी होतात.
5. जर तुमचे डोळे सुजले असतील आणि थकले असतील तील तर तुम्ही डोळ्याभोवती बर्फ लावा, यामुळे या समस्येपासून सुटका मिळू शकते. डार्क सर्कलची समस्या असली तरीही तुम्ही डोळ्यांखाली बर्फ लावू शकता. यामुळे या समस्येपासून सुटका मिळू शकते.
बर्फ वापरण्याचा योग्य मार्ग कोणता
चेहऱ्यावर बर्फ लावण्यासाठी सुती कापड किंवा रुमाल घ्या. त्यात काही बर्फाचे तुकडे टाका ते चेहऱ्यावर लावा. चेहऱ्यावर हलक्या हाताने आणि गोलाकार मसाज करा. याशिवाय आपण आपला चेहरा बर्फाच्या पाण्याने धुवू शकता. नेहमी चेहऱ्यावर बर्फ चोळणे टाळा आणि दिवसातून एकापेक्षा जास्त वेळा चेहऱ्यावर बर्फ वापरू नका.
