कोपरगाव:दुचाकीवरून जेवण करण्यासाठी जात असताना कोपरगाव तालुका पोलीस ठाण्यात कार्यरत असलेल्या पोलीस नाईकाचा हृदयविकाराचा त्रास झाल्याने उपचारापूर्वीच मृत्यू झाला आहे.ही घटना बुधवारी (दि.२६) रात्री ८:१५ वाजताच्या सुमारास कोपरगाव शहरातील नवश्या गणपती मंदिर व स्वामी समर्थ केंद्रसमोरील रस्त्यावर घडली. राजु तुकाराम चव्हाण ( रा. घुमटवाडी, ता. पाथर्डी, जि.
अहमदनगर ) असे मृत पोलीस कर्मचाऱ्याचे नाव आहे. याप्रकरणी प्रेमदास तारू पवार ( वय ४५, रा. वागळुज, ता. आष्टी, जि. बीड ) यांच्याकडून खबरीवरून कोपरगाव शहर पोलीस ठाण्यात रात्री उशिरा अकस्मात मृत्यूची नोंद करण्यात आली आहे. दरम्यान पोलीस कर्मचारी राजु चव्हाण यांच्या अकस्मात निधनाने सर्वत्र हळहळ व्यक्त होत आहे.
