श्री बंकटस्वामी महाविद्यालयात मोसंबी लागवड व संवर्धन मार्गदर्शन कार्यक्रम संपन्न
श्री बंकटस्वामी महाविद्यालयात मोसंबी लागवड व संवर्धन मार्गदर्शन कार्यक्रम संपन्न
बीड : श्री बंकटस्वामी महाविद्यालयातील आजीवन शिक्षण आणि विस्तार विभागाच्या वतीने शेतकरी आणि विद्यार्थ्यांसाठी विशेष मार्गदर्शन कार्यक्रमाचे आयोजन करण्यात आले. “मोसंबी लागवड व संवर्धन” या महत्त्वपूर्ण विषयावर हा कार्यक्रम आयोजित करण्यात आला होता.
प्रमुख मार्गदर्शक म्हणून प्रसिद्ध मोसंबी उत्पादक शेतकरी डॉ.श्री.शंकर विनायक धांडे यांनी उपस्थितांना मार्गदर्शन केले.या मार्गदर्शनात मोसंबी लागवडीच्या आधुनिक तंत्रज्ञानावर, योग्य जमिनीसंदर्भातील माहिती, खत व्यवस्थापन, पाणी व्यवस्थापन, रोग आणि कीड नियंत्रण तसेच बाजारपेठेतील संधी याविषयी सखोल चर्चा करण्यात आली. शेतकरी आणि विद्यार्थ्यांनी मोठ्या संख्येने या कार्यक्रमात सहभाग घेतला आणि आपले अनुभव व शंका उपस्थित करून माहिती घेतली.
कार्यक्रमाचे सूत्रसंचलन आजीवन शिक्षण आणि विस्तार विभागाचे समन्वयक डॉ.सुनील त्रिभुवन यांनी उत्कृष्टरीत्या केले. कार्यक्रमाचे प्रास्ताविक डॉ.शंकर शिवशेट्टे यांनी करत या उपक्रमाचे महत्त्व स्पष्ट केले, तर आभार प्रदर्शन डॉ.मनोज कुमार नवशे यांनी केले.
या कार्यक्रमाच्या माध्यमातून शेतकऱ्यांना मोसंबी उत्पादनाच्या अत्याधुनिक तंत्रज्ञानाची माहिती मिळाली, तर विद्यार्थ्यांसाठीही हा उपक्रम प्रेरणादायी ठरला. महाविद्यालयाच्या आजीवन शिक्षण आणि विस्तार विभागाच्या कार्यक्रमासाठी महाविद्यालयातील बहुसंख्य विद्यार्थी व मोसंबी उत्पादक शेतकरी उपस्थित होते.
