संपूर्ण जग नववर्षाचा उत्सव साजरा करत आहे. यासोबतच हे नवीन वर्ष कसं असणार हे जाणून घेण्याची उत्सुकताही अनेकांना आहे. बाबा वेंगा आणि नास्त्रेदामस यांनी 2025 सालाबाबत काही भाकीतं केली त्याबाबत तुम्हाला माहिती असेल.
आता एका 38 वर्षांच्या व्यक्तीनेही 2025 सालाबाबत भविष्यवाणी केल्या आहेत. या व्यक्तीने आतापर्यंत जी काही भाकीतं केली ती खरी ठरली आहेत. त्याने 2025 सालाबाबत जी भविष्यवाणी केली ती आश्चर्यकारक आहे.
लंडनस्थित हिप्नोथेरपिस्ट निकोलस अजुलाजी कोरोनाबाबत सावध करणारी पहिली व्यक्ती. 2018 मध्ये कोरोनासारखी महासाथ येईल ज्यामध्ये लाखो लोकांचा मृत्यू होईल, असं त्याने सांगितलं होतं. ते खरं ठरलंही आता त्याने 2025 सालातील जगाबाबत एक धोकादायक भविष्यवाणी केली आहे.
2025 सालात काय घडणार?
मिररच्या रिपोर्टनुसार अजुला म्हणाला, 2025 मध्ये तिसरं महायुद्ध निश्चित आहे. हे असं वर्ष असेल जिथं कुणाला कुणाची दया येणार नाही. धर्म आणि राष्ट्रवादाच्या नावाखाली लोक एकमेकांचे गळे कापताना दिसतील. राजकीय हत्या होतील. वाईट गोष्टी आणि हिंसा धरतीला स्वतःमध्ये कैद करेल.
नवीन वर्षात लॅबमध्ये अवयवांची निर्मिती होईल. अतिवृष्टी होईल, विनाशकारी पूर येईल. यामुळे लाखो घरांचं नुकसान होणार आहे. लाखो लोक बेघर होतील. समुद्राची पातळी झपाट्याने वाढेल, त्यामुळे अनेक शहरं पाण्याखाली जातील. ब्रिटनचे पंतप्रधान केयर स्टारर यांना राजकीय पडझडीचा सामना करावा लागणार आहे. जगात महागाई झपाट्याने वाढेल. एवढंच नाही तर ब्रिटनचे प्रिन्स विल्यम आणि हॅरी यांच्यात समेट होणार आहे.
निकोलस अजुला दावा करतो की, जेव्हा तो 17 वर्षांचा होता तेव्हा कोणीतरी त्याच्या स्वप्नात आला आणि त्याला भविष्याबद्दल सांगितलं. तेव्हा त्याला समजले की त्याच्यात अशी मानसिक क्षमता आहे. काही दिवस तो कोमात गेला. त्याला त्याच्या मागील जन्माची दृश्यं दिसू लागली. निकोलस म्हणाला, मी इजिप्तमध्ये राणी असल्याचं पाहिले. चीनमध्ये शिंपी आणि हिमालयात नन म्हणून काम करत आहे. जेव्हा मी आफ्रिकेत जन्मलो तेव्हा मी डायन म्हणून जन्माला आलो. मग माझाही सिंहासारखा जन्म झाला. असे बरेच वेगवेगळे अनुभव आहेत जे मला भविष्य सांगण्याची शक्ती देतात. आपल्याला माहित आहे की मृत्यू हा शेवट नाही, कारण आत्मा कधीही मरत नाही. आपण पुन्हा जन्म घेतो.
त्याने आतापर्यंत जी काही भविष्यवाणी केली आहे ती त्या स्वप्नावर आधारित आहे. तुमचा विश्वास बसणार नाही की अजुलाने अमेरिकेच्या सर्वात मोठ्या हालचालींपैकी एक, ब्लॅक लाइव्ह्स मॅटर, डोनाल्ड ट्रम्पचा विजय, आर्टिफिशियल इंटेलिजन्समध्ये वाढ, नोट्रे डेम फायर, कोविड, रोबोट आर्मी याविषयी अचूक भविष्यवाणी केली होती. हे सर्व आजवर खरं ठरलं आहे.
