धक्कादायक !दिल्लीत नोकरानी मिळत नाही म्हणून पत्नीनेचं पतीचं दुसरं लग्न लावून दिलं
पत्नी आणि पती दोघांनी मिळून एक धक्कादायक कृत्य केलं असून घरात कामकरणारी बाई पाहिजे म्हणून पत्नीने पतीचं दुसरं लग्न लावून दिलं, नवंवधू लग्न करून पतीच्या घरी आल्यावर पती पत्नीचे हे बिंग फुटलं खरं पण विरोध केल्याने त्या नवं वधूला बेदम मारहाण करून गुपचूप रहा असा दम भरण्यात आला.दरम्यान पीडित महिलेने माहेर गाठत घरच्यांना संपूर्ण कहाणी सांगितली,प्रकरण बाहेर येताच पती-पत्नीला पोलिसांनी अटक केली आहे.
सदर घटना राजधानी दिल्ली मधील आहे. या महिलेने दुसऱ्या लग्नासाठी पतीला बिहारमधल्या भागलपूर इथं पाठवलं. तिथे तिच्या पतीने एका अल्पवयीन मुलीशी लग्न केलं. दुसऱ्या पत्नीला घेऊन तो व्यक्ती दिल्लीत आपल्या घरी आला. पण ज्यावेळी दुसरी पत्नी पतीच्या दिल्लीतल्या घरी पोहचली. त्यावेळी तिला मोठा धक्का बसला.
पतीचं यााधी लग्न झालं होतं, आणि त्याची पहिली पत्नी त्याच घरात राहात होती. दुसऱ्या पत्नीने ही कोण आहे विचारल्यावर पतीने आपली पत्नी असल्याचं सांगितलं. हे ऐकून मुलीच्या पाया खालची जमीन सरकली. तीने या गोष्टीला विरोध केल्यावर तिला धमकवण्यात आलं. पहिली पत्नी असताना दुसरं लग्न का केलं असं त्या मुलीने विचारल्यावर दिल्लीत मोलकरीण मिळत नाही, म्हणून तुला लग्न करुन इथं आणल्याचं धक्कादायक उत्तर तिला देण्यात आलं. याविरोधात पोलिसात तक्रार करु असं सांगितल्यावर पहिल्या पत्नीने आणि पतीने तरुणीला जबर मारहाण केली.दरम्यान सदर प्रकरणी पोलिसात गुन्हा नोंदविण्यात आला असून पुढील तपास पोलीस करत आहेत.
