बीएसएफ जवानांची मोठी कारवाई, अमृतसरमध्ये पाडले पाकिस्तानी ड्रोन; 3.2 किलो हेरॉइन जप्त

अमृतसरमधील अटारी येथे भारतीय हवाई हद्दीचे उल्लंघन करणाऱ्या पाकिस्तानी ड्रोनला बीएसएफच्या जवानांनी अडवून पाडले आहे. ड्रोनद्वारे 3.2 किलो हेरॉईन जप्त करण्यात आली आहे.

अंमली पदार्थांविरोधात सुरू असलेल्या मोहिमेअंतर्गत फाजिल्का पोलिसांनी पुन्हा एकदा पाकिस्तानी ड्रग तस्करांचे ध्येय अयशस्वी केले आहे. 9.387 किलो हेरॉईनची खेप जप्त केली आहे. याप्रकरणी हेरॉईनची खेप घेऊन जाणाऱ्या दोन्ही आरोपींना अटक करण्यात पोलिसांना यश आले आहे.

हेरॉईनची खेप मागवलेल्या आरोपीचा व त्याच्या अन्य दोन साथीदारांचा रात्री उशिरापर्यंत पोलीस पथक शोध घेत होते. मात्र त्यांना पकडता आले नव्हते. पोलिसांनी रविवारी आरोपींना न्यायालयात हजर केले असता न्यायालयाने दोन्ही आरोपींना सहा दिवसांची पोलीस कोठडी सुनावली आहे.