पूर्ववैमनस्यातून गुंडांचा तरुणावर वार करुन जीवे मारण्याचा प्रयत्नपूर्वी झालेल्या भांडणाच्या रागातून तिघा गुंडांनी तरुणावर लोखंडी रॉडने वार करुन जीवे मारण्याचा प्रयत्न केला.
याबाबत मनोज विशाल केंगार (वय २५, रा. इंदिरानगर वसाहत, खडकी) यांनी खडकी पोलीस ठाण्यात फिर्याद (गु. रजि. नं. २९२/२३) दिली आहे. त्यानुसार पोलिसांनी गणेश जनार्दन साठे महेश साठे (वय २२) आणि राहुल तंबी नेसमणी (वय २२, सर्व रा. इंदिरानगर वसाहत, खडकी) यांना अटक केली आहे. ही घटना खडकीतील इंदिरानगर वसाहतीत रेल्वेमार्गाजवळ रविवारी रात्री साडेनऊ वाजता घडली.
याबाबत पोलिसांनी दिलेल्या माहितीनुसार, फिर्यादी मनोज व त्यांचा भाऊ नागेश केंगार हे बोलत बसले होते.
पूर्वी झालेल्या भांडणाच्या कारणावरुन आरोपी त्यांना शिवीगाळ करु लागले. तेव्हा मनोज याने शिवीगाळ करु नका,
असे सांगितले. त्यावर आरोपींनी लाथाबुक्क्यांनी मारहाण करुन तुला लय मस्ती आली आहे.
तू मला मारतोस का तुला जीवानिशी मारतो, असे बोलून लोखंडी रॉड फिर्यादीच्या डोक्यात घातला. इतरांनी लाकडी दांडक्याने मारुन गंभीर जखमी केले. फिर्यादीचा भाऊ नागेश हा सोडविण्यासाठी मध्ये पडला असता त्यालाही तुला पण संपवून टाकतो, असे बोलून लाकडी बांबुने मारहाण करुन जखमी केले. पोलिसांनी त्यांच्यावर खूनाचा प्रयत्न केल्याचा गुन्हा दाखल केला असून सहायक पोलीस निरीक्षक कदम तपास करीत आहे
