केदारनाथमध्ये गेल्या 12 दिवसांपासून बर्फवृष्टी!
![](https://lokshahinews24.com/wp-content/uploads/2023/04/Screenshot_2023-04-30-15-29-00-98_a71c66a550bc09ef2792e9ddf4b16f7a.jpg)
उत्तराखंड: उत्तराखंड चार धाम यात्रा सुरू होताच यात्रेकरूंची मोठी गर्दी होत आहे. Kedarnath alert मात्र, खराब हवामान यात्रेकरूंची चिंता वाढवली आहे. केदारनाथ धाममध्ये गेल्या 12 दिवसांपासून बर्फवृष्टी होत आहे. उत्तराखंडमध्ये 30 एप्रिलपासून चार दिवस हवामान खराब राहण्याचा इशाराही देण्यात आला आहे. उत्तराखंडमधील खराब हवामानामुळे पाऊस आणि बर्फवृष्टीनंतर यात्रेकरूंना अडचणींचा सामना करावा लागत आहे. बर्फवृष्टीमुळे कडाक्याच्या थंडीत आणि निसरड्या रस्त्यांचा त्रास भाविकांना होत आहे. सध्यातरी असेच वातावरण राहण्याची शक्यता हवामान खात्याने व्यक्त केली आहे. धामचे दरवाजे उघडण्यापूर्वी 18 एप्रिलपासून हिमवृष्टीची प्रक्रिया सुरू झाली. तेव्हापासून आजतागायत हिमवृष्टीची प्रक्रिया सुरू आहे. धामची उंच शिखरे बर्फाने झाकलेली आहेत. सकाळी तापमान उणेपर्यंत जात आहे. बर्फवृष्टीमध्ये यात्रेकरू दर्शन घेत आहेत. शनिवारी सकाळपासून केदारनाथच्या आकाशात हलके ढग होते. दुपारी हलका पाऊस आणि त्यानंतर केदारनाथ धाम, बेस कॅम्प, घोडा पडाव आदी ठिकाणी बर्फवृष्टी सुरू झाली. मात्र, सर्व अडचणी असतानाही प्रवाशांचा उत्साह कायम आहे.
Kedarnath alert केदारनाथ धामचे दरवाजे 25 एप्रिल रोजी उघडण्यात आले होते, तर बद्रीनाथ धामचे दरवाजे 27 एप्रिल रोजी उघडण्यात आले होते. 22 एप्रिल रोजी गंगोत्री-यमुनोत्री धामचे दरवाजे दर्शनासाठी उघडण्यात आले. आतापर्यंत ७७,५६५ यात्रेकरूंनी केदारनाथ धामला भेट दिली आहे. दररोज 14 ते 16 हजार भाविक दर्शनासाठी धाम गाठत आहेत.
अश्याच माहितीसाठी आणि बातम्यासाठी येथे🪀 क्लिक करून whatsapp ग्रुपला नक्की जॉइन व्हा.