जेवताना शिवीगाळ केल्याच्या रागातून मुलाने केली पित्याची हत्या
सातारा:(आशोक कुंभार )साताऱ्यात गुन्हेगारी वाढत आहे. माण तालुक्यात रविवारी महिला कॉन्स्टेबल पतीने आत्महत्या केली. त्यानंतर आता कराडमध्ये मुलाने वडिलांची हत्या केली. मुलाला पोलिसांनी अटक केली आहे. शिवीगाळ केल्याच्या रागातून त्याने वडिलांची हत्या केलीसातारा : ऐन यात्रेदिवशी कराड तालुक्यात मुलाने वडिलांची हत्या केली आहे. हत्येच्या या घटनेमुळे कराड तालुक्यातील जखिणवाडी येथे मोठी खळबळ घडली आहे. शिवीगाळ करत असल्याच्या कारणावरून मुलांने वडिलांची हत्या केली. जखिणवाडी येथे ऐन यात्रेदिवशी ही धक्कादायक घटना घडल्यामुळे यात्रेला गालबोट लागले आहे. शिवाजी नारू पाटील असे खून झालेल्या व्यक्तीचे नाव आहे. याप्रकरणी त्यांचा मुलगा अर्जुन शिवाजी पाटील याला पोलिसांनी ताब्यात घेतले आहे.
शिवीगाळ केल्याच्या रागातून हत्या : रंगपंचमीला कराड तालुक्यातील जखिणवाडीच्या ग्रामदैवताची यात्रा असते. यात्रेच्या आदल्या रात्री मुलाने वडिलांची हत्या केली. ही बाबनंतर उघडकीस आली. रात्री जेवताना वडिलांनी शिवीगाळ केल्याच्या रागातून मुलाने हे कृत्य केल्याचे फिर्यादीत म्हटले आहे. या घटनेमुळे गावात चर्चा होत आहेत.
महिलांनी केला आरडाओरडा : मृत शिवाजी पाटील हे पत्नी, मुलगा तसेच मुलगी आणि दोन नातवंडासह जखिणवाडीत वास्तव्यास होते. रात्री जेवताना शिवाजी पाटील हे मुलगा अर्जुन यास शिव्या देत होते. वडील व्यवसायाने शेती करतात. त्यावेळी आई रंगुबाई त्यांना गप्प बसा म्हणाल्या. त्यांनाही शिवीगाळ केल्याने मुलाने रागात वडिलांचा खून केला. महिलांनी आरडाओरडा केल्यामुळे घरात वाद सुरू असल्याचे सर्वांना समजले.
उपचार सुरू असताना मृत्यू : मुलाने केलेल्या जीवघेण्या हल्ल्यात जखमी झालेल्या शिवाजी पाटील यांना ग्रामस्थांनी उपचारासाठी रुग्णालयात हलवले. मात्र, उपचार सुरू असताना त्यांचा मृत्यू झाला. या घटनेची माहिती मिळताच कराड शहर पोलिसांनी घटनास्थळी दाखल होऊन संशयित अर्जुन पाटील याला ताब्यात घेतले. पोलीस उपनिरीक्षक दळवी हे पुढील तपास करत आहेत. संपूर्ण गावातून या घटनेचा निषेध नोंदलवा जात आहे.
साताऱ्यात आत्महत्या : साताऱ्यात माण तालुक्यातील म्हसवड पोलीस ठाण्यात कार्यरत असलेल्या महिला कॉन्स्टेबल पतीने आत्महत्या केली आहे. रविवारी ही खळबळजनक घटना समोर आली. नवनाथ मारूती दडस, असे आत्महत्या केलेल्या व्यक्तीचे नाव आहे. त्याला आत्महत्येस प्रवृत्त केल्याप्रकरणी म्हसवड आणि फलटण पोलीस ठाण्यात कार्यरत असणार्‍या कॉन्स्टेबल पत्नीसह मृत व्यक्तीच्या आई, वडीलांवर म्हसवड पोलीस ठाण्यात गुन्हा करण्यात आला. सातारा जिल्हा पोलीस दलात या घटनेने खळबळ उडाली आहे.
