पृथ्वीवरील आतापर्यंतची सर्वात मोठी सोन्याची खाण ‘या’ देशात सापडली …
एकीकडे जगात सोन्याच्या दराचा भडका उडाला असताना पृथ्वीवरील आतापर्यंतची सर्वात मोठी सोन्याची खाण सापडली आहे. भारताचा सर्वात मोठा शत्रू असलेल्या देशात ही खाण सापडली आहे.
या खाणीतील सोन्याचा साठा पाहून भूगर्भशास्त्रज्ञनी अचंबित झाले आहेत.
अलिकडेच भूगर्भशास्त्रज्ञांना चीनमध्ये सोन्याचा मोठा साठा सापडला आहे. हा शोध अलिकडच्या इतिहासातील सर्वात मोठ्या सोन्याच्या शोधांपैकी एक मानला जात आहे. चीनला सापडलेल्या या जॅकपॉमुळे जगभरातील सोन्याच्या खाण क्षेत्रात मोठा बदल घडून येऊ शकतो. जगभरातील पर्यावरणवादी मात्र, या खाणींमुळे होणाऱ्या कार्बन उत्सर्जनाबद्दल चिंता व्यक्त करत आहेत.
चीनमध्ये इतका मोठा सोन्याचा साठा सापडला आहे की जर चीनच्या सात पिढ्यांना हवे असेल तर ते या खजिन्यावर जगू शकतात. मध्य चीनमधील हुनान प्रांतातील वांगू येथे हे प्रचंड अभयारण्य जमिनीखाली गाडले आहे. यात 1000 मेट्रिक टनांपेक्षा जास्त सोने असल्याचा अंदाज आहे. त्याची किंमत सुमारे 78अब्ज युरो किंवा 600 अब्ज युआन आहे.
हुनान प्रांताच्या भूगर्भीय सर्वेक्षण विभागाच्या मते, सुमारे 2000 मीटर खोलीवर सोन्याचे 40 हून अधिक वेगवेगळे थर सापडले आहेत. या सुरुवातीच्या थरांमध्ये सुमारे 300 टन सोने असल्याचे मानले जाते. पुढील शोधांमुळे आशा आणखी उंचावल्या आहेत.
3000 मीटर खोलीपर्यंत खोदकाम केल्यानंतर आणखी साठे आढळून आले आहेत. यामुळे एकूण अंदाजे प्रमाण 1000 टनांपेक्षा जास्त झाले आहे.
चीनच्या सरकारी माध्यमांनुसार, हे ठिकाण आतापर्यंत सापडलेल्या सर्वात महत्त्वाच्या ठिकाणांपैकी एक आहे. भूगर्भीय सर्वेक्षणात एक अनोखी एक अत्यंत महत्वाची बाब समोर आली आहे. इथून काढलेल्या अनेक खडकांच्या नमुन्यांमध्ये सोने दिसून आले. यावरून असे दिसून येते की येथे सोन्याचे प्रमाण खूप जास्त आहे. वांगू साइटवरील काही धातूंमधून प्रति मेट्रिक टन 138 ग्रॅम इतके सोने मिळाले आहे. इतक्या मोठ्या प्रमाणात सोने मिळणे फारच दुर्मिळ आहे.
