Beed News : Video – पेट्रोल पंपाच्या रांगेत ते अचानक कोसळले, शिक्षकाला कसं गाठलं मृत्यूनं ?

Beed News : बीड जिल्ह्यातून एक धक्कादायक घटना समोर आली आहे. या घटनेत पेट्रोल पंपावर पेट्रोल भरण्यासाठी आलेल्या शिक्षकाचा मृत्यू झाल्याची घटना समोर आली आहे. हद्यविकाराच्या तीव्र झटक्याने त्यांचा जागीच मृत्यू झाल्याची माहिती आहे.

 

ही घटना पेट्रोल पंपावरील सीसीटीव्हीत कैद झाली आहे. (beed teacher heart attack cctv footage petrol pump incident shocking story)

 

https://x.com/DeeEternalOpt/status/1817219712926822418?t=Wa0X2QxWXk1aBPaU5JeoaA&s=09

 

हल्ली हदयविकाराचा झटका कुणाला येईल याचा काही नाही नेम नाही आहे. याआधी पन्नाशी पार केलेल्यांना हदयविकाराचे झटके यायचे. मात्र आता धडधाकड तीशीतल्या तरुणांना सुद्धा हदयविकाराचे झटके येत आहेत. आता बीडमध्ये पेट्रोल पंपावर एका व्यक्तीला हदयविकाराचा झटका आल्याची घटना घडली आहे. पेट्रोल भरण्यासाठी हा व्यक्ती रांगेत असताना अचानक तो खाली कोसळला होता. यामध्ये या व्यक्तीचा जागीच मृत्यू झाला. या घटनेचा व्हिडिओ देखील समोर आला आहे.

 

मिळालेल्या माहितीनुसार, बीड जिल्ह्यातील नगर रस्त्यावरील पोलिस पेट्रोल पंपावर ही घटना घडली आहे. मृत व्यक्ती हे शिक्षक असल्याची माहिती समोर आली आहे. बाबासाहेब मिसाळ असे त्यांचे नाव आहे. पेट्रोल भरण्यासाठी ते आले अन् काळाने त्यांच्यावर घाला घातला आहे. पेट्रोल पंपावरील इतर लोकांना काही समजण्याआधीच त्यांचा हृदयविकाराच्या झटक्याने मृत्यू झाला.

व्हिडिओमध्ये तुम्ही पाहू शकता स्कुटीवर पेट्रोल भरण्यासाठी ते रांगेत उभे असल्याचे दिसून येत आहे. इतक्यातच ते गाडीवरून खाली कोसळतात. आजूबाजूचे लोक त्यांची गाडी उचलून बाजूला करतात. शिवाय त्यांना मिर्गीचा दौरा असल्याचे समजून चप्पलेचा वास देत असल्याचे दिसून येत आहे.पेट्रोल पंपावर उपस्थित असलेल्या कर्मचाऱ्यांनी त्यांना रुग्णालयात नेले, मात्र तोपर्यंत त्यांचा मृत्यू झाला होता. या घटनेनंतर काही काळ पंपावर गोंधळाचे वातावरण निर्माण झाले होते.’

 

(लोकशाही न्युज24 हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट ईतर माहिती यूजर्सच्या सोशल मीडिया अकाऊंटमधून थेट एम्बेड करण्यात आली आहे. लोकशाही न्युज24 कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लोकशाही न्युज24 यांची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लोकशाही न्युज24 स्वीकारत नाही.)