दरोडेखोरांना अटक; 11.5 लाख रुपयांचा माल जप्त..

लोकशाहीच्या ताज्या बातम्या वाचण्यासाठी 9423046406 हा नंबर आपल्या व्हाटसप ग्रुप मध्ये सामील करा,


पुणे : ( आशोक कुंभार )पुणे ग्रामीण पोलिसांच्या स्थानिक गुन्हे शाखेने (Pune) नगर शहरातील पारनेर येथून चोरट्यांच्या टोळीला जेरबंद केले आहे. त्यांच्याकडून एक पाणबुडी मोटार, बोअरची मोटर, मल्चिंग पेपर आणि 11.50 लाख रुपये किमतीची दोन वाहने जप्त करण्यात आली.
टोळीने नारायणगाव पोलीस ठाण्याच्या हद्दीतील दोन दुकानातून मालाची चोरी केल्याचे निष्पन्न झाले.

सुभाष भोराजी दुधवडे (27) व गजानन धवाजी दुधवडे (रा. परदरा, वारणवाडी, पोखरी ता. पारनेर, नगर), अजय रंगनाथ वाघ (26, गुरेवाडी, म्हसोबा झाप, ता. पारनेर), सोन्याबापू गेनभाऊ मधे (वय 23) , आणि भाऊसाहेब रावसाहेब दुधवडे (वय 28, रा. खंदरमाळ, माळवडवाडी, ता. संगमनेर) यांना अटक करण्यात आली आहे.

दुकानांतून शेती साहित्याची चोरी झाल्याप्रकरणी नारायणगाव पोलीस ठाणे आणि स्थानिक गुन्हे शाखा समांतर चौकशी करत होते. पोलिस अधीक्षक अंकित गोयल आणि पोलिस निरीक्षक अविनाश शिळीमकर यांच्या मार्गदर्शनाखाली एपीआय महादेव शेलार, दीपक साबळे, संदीप वारे, अक्षय नवले यांनी तांत्रिक संशोधन केले.

पारनेर येथील दरोडेखोरांनी त्यावेळी घर फोडून सामान नेले होते. त्यामुळे पथकाने पारनेर येथे धाव घेत गुन्हेगारांना पकडले. त्यांच्याकडून मल्चिंग पेपर, बोअर मोटार, पाणबुडी मोटार, कृषी पंप आणि दोन (Pune) वाहने असा 11.5 लाख रुपयांचा मुद्देमाल जप्त करण्यात आला.
पोलिस अधीक्षक अंकित गोयल, अप्पर अधीक्षक मितेश घट्टे, निरीक्षक अविनाश शिळीमकर यांनी कारवाईचे निरीक्षण केले. तपास पथकात एपीआय महादेव शेलार आणि तुषार पंदारे, दीपक साबळे, विक्रम तापकीर, मंगेश थिगले, राजू मोमीन, जनार्दन शेळके, संदीप वारे, अक्षय नवले, दगडू विरकर, अक्षय सुपे यांचा समावेश होता.