क्राईमताज्या बातम्यापुणेमहाराष्ट्र

पुण्यातील उद्योजकाचा जागीच मृत्यू


शिरवळ : (आशोक कुंभार )खंडाळा तालुक्यातील शिरवळ हद्दीतील एका वॉशिंग सेंटरसमोर जीपची धडक बसल्याने पुणे येथील उद्योजकाचा जागीच मृत्यू झाला आहे.
नंदकिशोर रावसाहेब आवारी (वय ५५, रा. चंदननगर, खराडी, पुणे), असे जागीच मृत्यू झालेल्या उद्योजकांचे नाव आहे.

याबाबतची माहिती अशी की, चंदननगर, पुणे येथील उद्योजक नंदकिशोर आवारी हे सातारा जिल्ह्यातील भिलार याठिकाणी लग्न समारंभाकरिता पुण्याहून दुचाकी वरून आले होते. लग्नसमारंभानंतर आवारी हे परत पुणे बाजूकडे निघाले होते. शिरवळ याठिकाणी आले असता पाऊस लागल्याने ते दुचाकी महामार्गालगत थांबवून सेवा रस्त्यावरून सुरक्षित ठिकाणी जात असताना सर्व्हिस रस्त्यावरून निघालेली जीपने जोरदार धडक दिली. धडकेनंतर गंभीर जखमी झालेल्या आवारी यांना नागरिकांनी व जीपचालकाने शिरवळ येथील खासगी रुग्णालयामध्ये दाखल केले. डाॅक्टरांनी तपासून त्यांना मृत घोषित केले. यावेळी आवारी यांच्या मृतदेहाचे विच्छेदन करून मृतदेह नातेवाइकांच्या ताब्यात देण्यात आला.


Related Articles

Leave a Reply

Your email address will not be published. Required fields are marked *

Back to top button